شرح لكيفية عمل غرزة جميلة جداً من غرز التريكو
وهى غرزة ورقة الشجر
وهى الحقيقة من الغرز الجميلة أوى اللى بتدى جمال وابهار لشغل التريكو
شوفوا مثلا الطعامة دى
الغرزة
بتتبنى اساسا من غرزة واحدة ويفضل العدد يزيد بشكل تدريجى لغاية حد معين
هو اقصى عرض للغرزة وبعدين يرجع ينقص برضه بالتدريج لغاية ما يرجع العدد
الى غرزة واحدة مرة تانية
يعنى الغرزة بتمر بـ 3 مراحل:
1) مرحلة الزيادة التدريجية فى عدد الغرز نتيجة عمل اللفات بدون تنقيص
2) مرحلة الثبات
3) مرحلة التناقص التدريجة فى عدد الغرز والعودة إلى العدد الاصلى (1 غرزة)
وبرضه نقدر نتحكم فى عرض ورقة الشجر وطولها حسب الرغبة او الباترون
احنا دلوقت هنقول الحجم المعتاد
ناخد بالنا طبعا ان عدد الغرز مش هيكون ثابت فى كل السطور
زى ما قلنا الغرزة بتتكون من غرزة واحدة طولها 24 سطر
لاحظى أنه:
(ع = عدل) & (م = مقلوب)
الاسطر الزوجية للغرزة كلها مقلوب
نبدأ بأة تكوين ورقة الشجر
المرحلة الاولى: (الزيادة)
السطر 1:
1ع
السطر 2:
1 م
السطر 3:
لفة – 1 ع – لفة
)بحيث يكون العدد النهائى للغرز فى السطر ده 3 غرز(
السطر4:
3 م
السطر 5:
1 ع – لفة – 1 ع – لفة – 1 ع
(بحيث يكون العدد النهائى للغرز 5 غرزة(
السطر6:
5 م
السطر 7:
2 ع – لفة – 1 ع – لفة – 2 ع
(بحيث يكون العدد النهائى للغرز 7 غرزة)
السطر 8:
7 م
السطر 9:
3 ع – لفة – 1 ع – لفة – 3 ع
(بحيث يكون العدد النهائى للغرز 9 غرزة)
يتبع............
